jo të gjithë flenë / megafon

29 Qershor 2009

.

Në megafon dëgjohet një propozim martese.

Është dy e natës,

Orë jo e zakontë për të kërkuar dorën.

Me megafon nesër do të drejtohen turmat

e pavëmendshme ndaj detajit të natës.

Ne jemi të pandashëm

Bashkë

Bashkë

Bashkë

Ne jemi të pashmangshëm

Krah për krah

Jehona na përqesh

Por nuk dëgjojmë nga ai vesh.

Me lejen tuaj, unë,

Do të  ju dua edhe më shumë.

Ne jemi të pashmangshëm.

Më lejoni të ju dua

Bashkë,

Në një pasqyrë, shumë fytyra

Bashkë,

Një fytyrë në shumë pasqyra.

.

Postuar në Poezi nga F. Hida 0 Komente »

jo të gjithë flenë (përmbys)

24 Qershor 2009

.

S’bojn qeder

Këmbët e tua të vogla

Përmbi shpinën time

as të tokës, por thuaj

shtriqem

si xham nën këmbët e mizës

me sy galldup si alien

(ata janë mes nesh

nuk i njohim

nuk na njohin

nuk i dinë

veset tona, dembelitë e ëmbla

mënyrën sesi ndjellim

përkëdhelje qetësuese për shpirt,

mish e kocka).

Edhe gjigandët kanë hallet e tyre,

Më shtyp me këmbët e vogla

E vogla ime.

.

Postuar në Poezi nga F. Hida 0 Komente »

STOP

23 Qershor 2009

.

Sot po marr pak kohë për të falenderuar të gjithë ju (numri ndoshta e kalon 3-shin :) që lexoni këtë faqe. Pra,

Falemnderit.

PS. Për arsye që do ishte gjynaf me i shpjegu dhe fundja s’do i sillte naj të mirë njeriu, sot e shpalla Alice Cooper day  

florianhida@hotmail.com

.

Postuar në Pa kategori 0 Komente »

jo të gjithë flenë (në të njëjtën faqe)

22 Qershor 2009

.

Dërdëllit.

Hëna pushtuese zbyth ligjet e natës

Edhe unë kam qejf të bëj çfarë dua

Po si kam mundësitë (ekonomike të them)

Se ja, shkova në shkollë

Dhe mësova se shkolla është shumë e rëndësishme

Çfarë tjetër?

Nuk kam asnjë fitore që ta mbroja

Nejse, askush nuk humbet nga fitoret e mia

Vetëm për bukë, por edhe ajo s’është e gjitha

Lipset të ketë njeriu ca rrangalla

Si biçim kujtimesh për ditën kur t’vendosë:

Majaft mo, se s’bo kshtu

Edhe gjumit t’ia fusë edhe pak më shumë.

Se zaten s’ka bythë me bo gjo tjetër

As nona as baba gjo tjetër nuk i msunë

Pthuj. E si të mos marakosesh kur shef se debilat

Kanë ble pasqyra e ti qorrojnë sytë.

E kush ja paska bo atynvet t’drejtën

Me zyre m’vete, me hale e me dush?

Po jo pra, a s’o kshtu,

Se martohet robi për t’bo kalamonin

Ta boj rob përsmari, jo papagall tu dërdëllit

konspiracione mashtruesish spërdhredhë si pemët,

Nën hënën që zbythet.

.

Postuar në Poezi nga F. Hida 0 Komente »

jo të gjithë flenë

22 Qershor 2009

.

I përcolla dy orë deri në prag të ditës.

Shoqërues nate jam e natën s’e kam frikë

Statistikat thonë më shumë njerëz vdesin me ditë.

I përcolla dy orë deri në prag të ditës,

Punë që e bëj falas, pa u lodhur e me dëshirë

Nuk harroj t’u them se nga erdha, unë do të kthehem. Ndërsa ju,

orë udhëlargëta: Ditën e mirë!

.

Postuar në Poezi nga F. Hida 0 Komente »

farfalla rossa

19 Qershor 2009

.

E kuqe nervore

Më zhgënjen me fërfëllitjen

Mendoja se ishe e fortë

Lehtësisht me shkërmoqë çdo qëndresë timen

Në qëndër të gjithçkaje

Kontradiktore

E kuqe nervore

Gjak pengue në rremb të synit

Gjak dhurue yllit të zverdhun

Ndër ethe deshpruem pajton natën

Për lehën kopile të një dite të re.

Për një shancë fluturake, dishruem.

Një venë e preme në dizajn hyjnore

Lshu prej zinxhirash jeta shembullore

Fërfëllimë

E kuqe

Nervore.

.

Postuar në Poezi nga F. Hida 0 Komente »